سلمى2020
المراقب العام
عدد رسائلى : 68
العمر : 33
النادى المصرى المفضل : الاهلى
النادى الاروبى المفضل : مانشيستر يونايتد
الاوسمه : 
sms : My SMS $post[field5]
اعلام الدول : 
تاريخ التسجيل : 02/04/2008
 |  موضوع: مش كل الاسئله ليها اجابات؟؟  الجمعة 30 يناير 2009, 05:33 | |
| مش كل الأسئلة ليها إجابات !
ليه
في شارع مراد حاطين يافطه كبيرة مكتوب عليها
"ابتسم انت في الجيزة"..،
هل الجيزة حاجة تضحَّك؟!
ليه
بيقولوا (الحب أعمى)،
ومع ذلك كل أغاني الحب عن (العيون)،
نور العين وسحر عينيك وعينيك واحشاني وعينيك كدابين
وحبيبي وعينيه أصلاً؟!
طيب لو كان الحب اعمى ..
ليه واكلين دماغنا بالحب من اول نظرة؟
ليه
بيقولوا على الشخص اللى نايم بعمق إنه نايم زى البيبيهات؟،
مع إن البيبيهات أصلا بيصحوا كل نص ساعة!
ليه
الشامبو بيبقى بالخوخ الطبيعى بينما
عصير الخوخ بيبقى معمول بنكهة الخوخ؟
ليه
لما تسأل واحد على العنوان وتقول له
"شارع كذا فين؟!" يرد عليك بسؤال "هما قالوالك فين؟!"
. طيب ما هما لو كانوا قالوا لي ماكنتش سألتك،
ثم هما مين اللي قالوا لي؟!
ليه
الناس في الشارع بتستخدم أدوات نداء لتوقيف أي شخص،
أدوات نداء مالهاش أصل في اللغة و ينفع تنادي بيها على أحد في
المطلق زى. بسست، والنبى يا، ويا كابتن، وباقولك وخُد يا، وأيوه يا،
وليه أدوات النداء دي بتوقف الشخص المقصود بالذات؟!
ليه
لما حد يحب يدي معلومة بيبدأ الجملة بكلمة (بيقولك)،
(بيقولك العربيات رخصت)!
ليه
المذيعة دايما بتتمنى لنا وقت ممتع مع الفيلم العربي
اللي بيتذاع للمرة الألفين..
وهى عارفة كده كويس؟!
ليه
الشخص اللي يسألك "الساعة كام"
لازم يرفع لك دراعه الشمال
ويشاور على مكان الساعة بصباعه
"لو سمحت الساعة كام"....
طيب ليه
اللي يسألني عن الساعة لازم يحلفني
"الساعة كام والنبي؟!".
ليه
الكتابة على التي شيرت لازم تكون
بالإنجليزي، ليه ماحدش بيكتب على التي شيرت
بتاعته بالعربي.. مثلاً "اللي ذاكر ذاكر خلاص".
ليه
الواحد بيدوس على الريموت كنترول بقوة
وعنف لما الحجارة بتشطّب؟
ليه
اللي سايق عربية ومشغل الكاسيت أو الراديو..
أول ما يدخل شارع ضلمة يروح موطى الصوت فوراً؟!
ليه
الناس بتقول لأي حد في الشارع "يا باشمهندس"،
ما عدا المهندس فعلاً.. بيقولوا له "يا دكتور"؟!
ليه
لمّا الواحد يكون واقف مستنى الأسانسير بعد ما داس
على الزرار اللي بيستدعى الأسانسير وبقى منور وباين
إنه منوّر، ييجي واحد تاني بعد ثواني يبص لك ويبص
للزرار المنور ويروح دايس على الزرار تاني؟!
ليه
لما تيجي تتصل بواحد.. ليه الأرقام
اللي بترد غلط.. ما بتكونش مشغولة؟!
ليه
هيفاء وهبى بتقول "أنا بردانة أح"،
مع إن "أح" تقال للحاجه السخنة، يعني
المفروض تقول "أنا بردانه "بررررررر".
اذا كان
زيت الذرة معمول من الذرة ،
و زيت عباد الشمس معمول من
زهرة عباد الشمس طيب
ال
baby oil معمول من ايه | |
|
المدير
مــديــر اداره المنتــــــدى
عدد رسائلى : 853
العمر : 33
النادى المصرى المفضل : الاهلى
النادى الاروبى المفضل : برشلونه
الاوسمه :
الاعلام : 
sms : الكــره على النت افضل منتدى رياضى
اعلام الدول :
تاريخ التسجيل : 11/01/2008
| | موضوع: رد: مش كل الاسئله ليها اجابات؟؟ الجمعة 30 يناير 2009, 07:29 | |
| شكرا على الموضوع يا سلمى 2020 وحمدلله على السلامه بعد الغياب الكبير ده الموضوع حقيقى جميل اوبريجادووووووو جراتســـــــــى جراثياس راخ مت شكريا ثانكس
شكرا جزيلااااا | |
|
بسمه
مشرفه
عدد رسائلى : 164
العمر : 32
الاوسمه : 
الاعلام :
sms : المنتدى روووعه
اعلام الدول :
تاريخ التسجيل : 24/03/2008
| | موضوع: رد: مش كل الاسئله ليها اجابات؟؟ الجمعة 30 يناير 2009, 10:27 | |
|  الموضوع جميل جدا جدا بجد مواضيعك جميله زيك كده | |
|
سلمى2020
المراقب العام
عدد رسائلى : 68
العمر : 33
النادى المصرى المفضل : الاهلى
النادى الاروبى المفضل : مانشيستر يونايتد
الاوسمه :
sms : My SMS $post[field5]
اعلام الدول :
تاريخ التسجيل : 02/04/2008
| | موضوع: رد: مش كل الاسئله ليها اجابات؟؟ الجمعة 30 يناير 2009, 13:45 | |
| شكرا ياموكه وشكرا ليكى يابسمه على الرد ويارب المواضيع الجايه تعجبكوا [img]  [/img] | |
|
عفوااااااااااااااا هذا زمن الاهلـــــى 
